20 anos da caída do muro de Berlín

Como xa sabedes U2 ofreceu un concerto gratuito para conmemorar a caída do muro de Berlín. Dende a biblioteca propoñemos a seguinte actividade: que música crees ti que encaixaría mellor para acompañar este feito histórico?
Aquí van as nosas suxerencias:
- Scorpions. Wind of change.
- Marlene Dietrich. Lili Marlene.
- Beethoven. Sinfonía nº 9, Op. 125 en re m. Cuarto movimiento.Oda a la alegría.

Pénsao antes de colgar

Sodes moitos os que usades o tuenti ou outras redes sociais sen pensar nas consecuencias que pode ter colgar a vosa imaxe. Botádelle unha ollada a este anuncio e sacade vos mesmos a conclusión.

Halloween 2009

Aproveitando o 31 de outubro, día de Halloween, os de inglés e máis as liantas da biblioteca, montaron o tenderete Halloween tal e como podedes ver nas imaxes. Varios afanados rapaces da ESO fixeron os traballiños que vedes na categoría de cabazas, móbiles e galletas terroríficas. A participación tivo unha impresionante calidade e ao xurado vaille costar decidir os premios.
E se aínda vos quedan gañas de pasar máis medo, botádelle unha ollada á exposición de libros de medo en galego, castelán e inglés que está ao lado. Happy Halloween e non morrades de medo!!!!!!!!!!!!!!!

As mochilas viaxan de novo

Moi boas! Son a mochila viaxeira e veño cargadiña de material para o alumnado de 1º de ESO e as súas familias. Os primeiros afortunados foron Alejandro Rodríguez Souto de 1º ESO A e Imanol Corredoira Fernández de 1º ESO B. Agardo que disfrutedes do meu contido e me fagades un sitiño na casa. Apertas.

Por certo, tedes curiosidades por ver onde estou?
Pois ollade estes videos...

Contacontos en inglés e galego

Contan que o 24 de outubro foi o día da biblioteca e os departamentos de inglés e galego puxéronse a pensar en como celebralo. E que mellor modo de facelo que contando contos universais en galego e inglés. Seica andan por ahí dous contacontos chamados Tim Bowley e Charo Pita, inglés él e galega ela. Así que por aquí viñeron a deleitarnos coas súas fermosas historias e unha excelente interpretación. As risas e os aplausos puxéronos o noso emocionado público de rapaces ansiosos por escoitar máis contos.

Charla do xuíz Luis Villares

Grazas ao Equipo de Normalización Lingüística e aos nosos compañeiros Manuel Muñiz e Xaime Félix López Arias, o venres 23 de outubro o xuiz Luis Villares estivo no instituto “Gregorio Fernández” para impartir dúas charlas sobre “Os dereitos lingüísticos”. Aproveitou a ocasión para falar sobre cuestións xudiciais como a Constitución, o papel dos distintos poderes do estado, os dereitos e deberes dos cidadáns, e da importancia do proceso de elaboración das leis ao longo da historia. Tivemos a ocasión de contar cun excelente orador moi cercano aos rapaces quen cunha linguaxe sinxela e próxima soubo achegar cuestións de entrada complexas pola súa temática.

Roteiro polas Aceas

O pasado luns 19 de outubro tres grupos da ESO (dous de 2º e un de 4º) fixeron o fermoso roteiro das Aceas, ben preto do noso instituto e un gran descoñecido para moitos. Para esta excursión contouse coa participación dos departamentos de E. Física, Bioloxía, Música e inglés, coordinados polo Equipo de Normalización Linguística. O obxectivo era que o alumnado valorara os aspectos ambientais e histórico-patrimoniais da contorna do noso centro educativo. Sen dúbida, obxetivo conseguido.
Hai que agradecer ademáis a colaboración e compañía do mestre que foi o noso compañeiro durante unha chea de anos, Camilo Sánchez, e Arlindo, quen elaborou un plano e unhas notas históricas de grande interese.

Bibliotour 2009

Os días 8 e 9 de outubro os alumnos de 1º de ESO participaron no Bibliotour 2009. Como xa é habitual, estas visitas sirven para explicar aos novos alumnos os recursos, funcionamento e actividades que organiza a biblioteca. Na foto podedes ver o atentos que estiveron e o moito que gozaron e ahí están: ollando o blog dentro do blog, igual ca ti.

Charla-coloquio con Ellie Smith

Por primeira vez na historia do noso instituto contamos cunha profesora inglesa auxiliar de conversación en inglés. Chámase Ellie Smith e estará con nós ata maio. Para ir enterándonos de algo máis sobre o seu país, presentouse cunhas charlas-coloquio ilustradas con fotos do máis representativo do Reino Unido. ¿Sabíades que en Londres falánse máis de duascentas linguas, ou que a India é a segunda nacionalidade que máis abunda na capital do Reino Unido?
Sirvan estos datos para ir abrindo os ollos e os oídos e aproveitar esta fantástica oportunidade de mellorar o noso inglés. Benvida Ellie!

O vicio de ler

Olla este video e bota unhas risas a conta do vicio da lectura.